எங்கே என் புன்னகை

மழைகாலம் என்னை ஆக்கிரமித்திருந்த
உன் நினைவுகள்
கூதலான குளிர் பனிக் காலம்
உனக்கான என் காத்திருப்புகள்

கடலோர அலைகள் எழுதும்
கதைகளில் நமக்கான சில அத்தியாயங்கள்
எல்லாம் இருந்தும் நீ இல்லை
ஓர் சொல்லில் உயிர் குடித்தது

கை அசைவில் உணர்வறுத்து
கண்ணோரம் கண்ணீர் தந்து
அதோ நீ போய்விட்டிருந்தாய் 
ஓர் புன்னகைக்கு எரிமலையை பதிலாக தந்தபடி
அதோ நீ போய்விட்டிருந்தாய்...